Наманганда 1 ойлик чақалоқни сотмоқчи бўлган она ва туғруқхона мудирасига жиноят иши қўзғатилди

Наманган вилоятида 35 кунлик чақалоқни сотмоқчи бўлганларга нисбатан жиноят иши қўзғатилди.

Маълум бўлишича вилоятнинг Янгиқўрғон туманида истиқомат қилувчи М.Т. ўзининг 35 кунлик чақалоғини сотмоқчи бўлган. Унга ушбу ишни амалга оширишда Учқўрғон тумани тиббиёт бирлашмасининг туғруқхона бўлими мудираси Н.Т. ёрдам берган. Мудира «Қурама» МФЙда яшовчи М.М. ва унинг турмуш ўртоғига бир аёл 500 долларга боласини сотмоқчи эканини айтиб мижоз топиб қўяди.

Шу тариқа М.М. мудиранинг олдига 5,5 млн сўмни кўтариб келади ва Н.Т.га 1,5 млн сўм М.Т.га эса 2,2 млн сўм ва 500 000 сўмлик кийим кечак беради.

Ушбу ҳолат юзасидан ҳозирда жиноят иши қўзғатилиб тергов ҳаракатлари олиб борилмоқда.

manba: everyday.uz