Қуйивартовск суди ўйинчоқ тўппонча билан қуролланиб олиб, банкни ўмаришга уринган Ўзбекистон фуқароси устидан ҳукм ўқиди. Ханти-Мансийск автоном округи прокуратураси матбуот хизмати хабарига кўра, ўзбекистонликка тўққиз йил колония жазоси берилган.
Идора хабарига кўра, ёш йигит 2019 йилнинг январида маҳаллий банкларнинг бирига қўлида ўйинчоқ тўппонча билан кириб келган ва "қуролни" банк ходимлари ҳамда фуқароларга йўналтириб, пул беришларини талаб қилган.
Ўша куни кассада 3 миллион рублга яқин маблағ, шунингдек, 12,5 минг АҚШ доллари ва 13 мингга яқин евро бўлган. Аммо банк ходими пул турган хонага киришга имкони йўқлигини айтганида, жиноятчи ҳодиса жойидан қочиб кетган.
Ҳуқуқ посбонлари сал ўтмай мақсади катта миқдордаги пулни ўмариш бўлган босқинчини қўлга олганлар.
Эндиликда суд қарорига кўра, 24 ёшли ўзбекистонлик 8 йил ўн ойлик жазо муддатини оғир тартибдаги колонияда ўтайди.
Тасодифий хабарлар
ИИВ орқа ён ойналарга парда тутилишини тақиқламоқчи
Шаҳрисабз тумани ҳоким ўринбосари пора билан қўлга тушди
Рамазон ҳайити қачон бўлиши айтилди
Биттаси бугун! Ерга икки хавфли астероид яқинлашмоқда
Миллий гвардия ходимиман», деб мақтанган йигитни уриб ўлдиришди