Украина фуқароси тез тиббий ёрдам хизматига 47 минг марта қўнғироқ қилганидан кейин мажбурий даволаниш учун руҳий шифохонага юборилди. Бу ҳақда лента.ру нашри хабар бермоқда.
Расмий Киевга бўйсунадиган Краматорск шаҳри (Донецк вилояти)да яшовчи эркак 2018 йилнинг 1 октябридан 2019 йилнинг 12 февралигача – тўрт ярим ой мобайнида тез ёрдамга 46 968 маротаба қўнғироқ қилган. У кунига юз мартадан минг мартагача 103 га қўнғироқ қилиб, у ерда ишловчи фельдшерларни ҳақорат қилган.
Ушбу ҳаракатлари учун унга нисбатан Украина жиноят кодексининг 296 моддаси биринчи банди “Жамиятга ҳурматсизлик қилган ҳолда жамоат тартибини қўпол равишда бузиш” моддаси билан иш очилган.
Судланувчи суд-психиатрик текширувдан ўтди, унинг касаллиги борлигини тасдиқлади. Суд мажбурий касалхонага ётқизиш тўғрисида қарор қабул қилди.
Тасодифий хабарлар
Россияда бошига челак ташлаб юборилган ўзбекистонлик мигрант вафот этди
Ўзбекистонда ҳафтанинг иккинчи ярми жуда иссиқ бўлади
Ўзбекистонда яна 36 кишида коронавирус инфекцияси аниқланди
Тошкент, Нукус ва вилоят марказларида 6 апрелдан мототранспорт ва велосипедда ҳаракатланиш чекланади
Ўзбекистонга Россиянинг Sputnik Ligh вакцинаси олиб келинди