Бугун, 3 июль куни жорий йилнинг 29 августидан 8 сентябригача ўтказиладиган CAFA Nations Cup-2025 мусобақасига қуръа ташланди. Бу ҳақда Ўзбекистон футбол ассоциацияси хабар берди.
Қуръа натижаларига кўра, мусобақа мезбони сифатида Ўзбекистон “А” гуруҳидан ўрин олди. Шу билан бирга, гуруҳ босқичида Ўзбекистон миллий терма жамоасига рақиб бўладиган жамоалар аниқланди. Улар: Қирғиз Республикаси, Туркманистон ва Уммон.
“Б” гуруҳидан эса Тожикистон (мезбон), Эрон, Афғонистон ва Малайзия миллий терма жамоалари жой олди.
Қайд этиш жоиз, “А” гуруҳи ўйинлари ва мусобақанинг финал учрашуви Тошкент шаҳрида, “Б” гуруҳи ва 3-ўрин учун баҳс Тожикистоннинг Душанбе шаҳрида ўткзилади.
Маълумот учун, CAFA 2014 йил июнь ойида ташкил этилган ва Осиё Футбол Конфедерациясининг (ОФК) бешта минтақавий ассоциациясидан бири ҳисобланади. ОФК таркибига Жануби-Шарқий Осиё давлатлари ассоциацияси (ASEAN), Шарқий Осиё футбол федерацияси (EAAF), Жанубий Осиё футбол федерацияси (CAFF) ва Ғарбий Осиё футбол федерацияси (VAFF) ҳам киради. Европа футбол федерациялари иттифоқи (UEFA) эса бундай ажратилган тизимда ишламайди.
Тасодифий хабарлар
6 соат ичида «Тошкент» ва «Наманган» вилоятларида жами 97 кишида коронавирус аниқланди
Ижтимоий тармоқларда тарқалган Сумалак атрофида ярим-ялонғоч ўйнаган қизлар устидан суриштирув бошланди
Туркманистон президенти «Қадр кечаси» муносабати билан 356 нафар маҳбусни афв этди
Ўзбекистондаги 2021 йилги Осиё чемпионати расман қолдирилди
Илон Маскнинг интернети рекорд ўрнатди