Жаҳон чемпионатини тўлиқ томоша қилиш учун қанча умр керак?

2026-йилги футбол бўйича жаҳон чемпионати тарихдаги энг йирик турнир бўлади. Унда 48 та жамоа иштирок этади ва жами 104 та ўйин ўтказилиши режалаштирилган. Футбол мухлисини қизиқтирадиган саволлардан бири — бу барча ўйинларни бошидан охиригача кўриш учун қанча вақт кетади?

Ҳисоб-китоб шуни кўрсатадики, бир ўйин ўртача 105 дақиқа давом этади (90 дақиқа + танаффус + тўхташлар). 104 та ўйин жами 10 920 дақиқа ёки 182 соат демакдир. Бу эса тахминан 7,6 сутка узлуксиз вақтни ташкил этади.

Агар телевизион эфир доирасида ҳисобласак, бир ўйинга камида 2 соат ажратилади. Демак, барча ўйинларни томоша қилиш учун 208 соат ёки 8,7 сутка керак бўлади.

Кунлик ҳисобда эса турнир давом этадиган 40 кун ичида мухлис кунига ўртача 4–5 соатини футболга сарфлаши керак бўлади.

Агар бу вақт йилга ёйилса, кунига 30 дақиқа, тўрт йиллик циклга ёйилганда эса атиги 7–8 дақиқага тенг.

Шундай қилиб, 2026-йилги жаҳон чемпионатини тўлиқ кўрмоқчи бўлган мухлис камида бир ҳафтадан ортиқ умрини футболга бағишлаши керак бўлади.