Президент мактабларига қабул жараёни расман бошланди

2025-2026 ўқув йили учун Президент, ижод, спорт ва ихтисослаштирилган мактабларига қабул жараёни расман бошланди.

1 июндан my.gov.uz ҳамда ariza.piima.uz орқали қуйидаги мактабларга онлайн ариза топшириш имкони яратилди:

• Президент мактаблари;
• Ижод мактаблари;
• Ихтисослаштирилган мактаб ва мактаб-интернатлар;
• Спорт ва жасорат мактаблари.

Жорий йилдан Баҳодир Жалолов ва Оксана Чусовитина номидаги ихтисослаштирилган спорт мактабларига ҳам ҳужжатлар онлайн қабул қилинмоқда.

Қабул 20 июнгача давом этади. Кириш имтиҳонлари эса июл-август ойларида ўтказилади. Хизматдан фойдаланиш мутлақо бепул.