Совуқ ҳаво оқими натижасида айрим ҳудудлардаги автомобилларга газ тўлдириш компрессор шохобчалари (газ заправкалар) фаолиятига киритилаётган қисқа муддатли чеклов муносабати билан биржа савдоларига чиқарилаётган автобензин ҳажми вақтинчалик икки карра оширилади, деб хабар бермоқда Энергетика вазирлиги.
Қайд этилишича, бунинг учун барча ҳудудларда зарур миқдорда захиралар яратилган.
Талаб ва таклифга қараб биржа савдоларига жойлаштирилаётган автобензин ҳажмини янада ошириш имконияти мавжудлиги маълум қилинади.
Истеъмолчиларнинг автобензинга бўлган талабини тўлиқ қондириш масаласи давлат назоратига олинган.
«Шуни алоҳида таъкидлаш керакки, жорий куз-қиш мавсумида мамлакат аҳолисини автобензин билан зарур миқдорда ҳамда узлуксиз таъминлаш юзасидан барча зарурий чоралар кўрилган.
Шу ўринда хусусий автозаправкалар эгаларидан нархларни сунъий равишда оширмасликларини, автобензинни сифат ва миқдор жиҳатидан тўғри сотишларини сўраймиз.
Ҳозирги вақтда ишчи гуруҳлар томонидан жойларда назорат тадбирлари давом эттирилмоқда. Нархларнинг асоссиз равишда ошириб юборилишига йўл қўйилмайди», дейилади вазирлик хабарида.
Тасодифий хабарлар
Наманган вилоятида қайд этилган сўнгги коронавирусга чалиниш ҳолатлари билан боғлиқ баёнот берилди
Дабдабали тўй қилганлар катта жаримага тортилиши мумкин (Қирғизистон)
Пиёдаларга сув сачратиш учун жарима белгиланганми?
ИИВ Тошкентда метросига ўзини ташлаган маст аёл воқеаси юзасидан изоҳ берди
«Ҳеч бўлмаса ҳафтада бир марта тест олинса яхши бўлар эди» — Самарқандлик шифокорлар ўз соғлигидан хавотирда