Мактаб ўқувчилари учун кузги таътил 4 ноябрдан бошланади. Бу ҳақда Мактабгача ва мактаб таълими вазирлиги матбуот котиби Лайло Рустамова QALAMPIR.UZ'га маълум қилди.
Унга кўра, мактаб ўқувчилари учун I чоракнинг сўнгги куни 3 ноябрга тўғри келиб, 4 ноябрь куни кузги таътилнинг илк куни саналади. Таътил 6 календар кун, яъни 9 ноябргача давом этади. II чорак эса 10 ноябрдан бошланади.
Вазирлар Маҳкамасининг 2017 йилги 140-сонли қарори билан тасдиқланган низомга мувофиқ, ўқувчилар учун таътил кунлари қуйидагича белгиланган:
• кузги таътил – 4 ноябрдан бошлаб 6 календар кун;
• қишқи таътил – 28 декабрдан бошлаб 14 календар кун;
• баҳорги таътил – 21 мартдан бошлаб 7 календар кун;
• ёзги таътил - охирги босқичли назорат синови ўтказилган кундан (босқичли назорат ўтказилмайдиган синфлар учун ўқув йили тугаган кундан) бошлаб 1 сентябргача.
1-синф ўқувчилари учун эса феврал ойи давомида қўшимча бир ҳафталик таътил белгиланади.
Маълумот учун, таътилнинг охирги куни байрам (ишланмайдиган) кунга тўғри келиб қолган тақдирда, дарс машғулотлари кейинги иш кунидан бошлаб давом эттирилади. Байрам (ишланмайдиган) кунларига тўғри келиб қолган дарс машғулотларининг мавзулари ўқув дастурларини ихчамлаштирган ҳолда кейинги дарс машғулотларида ўтказилади.
Тасодифий хабарлар
Саккизинчи ўлим: коронавирус аниқланган ангренлик бемор вафот этди
Учинчи марта уйланмоқчи бўлган эркакни иккала хотини дўппослади
Юлдуз Усмонова ички ишлар ходимларини ҳақорат қилгани учун жазоланмаганига изоҳ берилди (видео)
Наманганда 4 нафар шахс товламачилик йўли билан минг доллар талаб қилаётганда ушланди
Tashkent City ҳудудида расмга олиш тақиқланганми? Туризм қўмитаси тушунтириш берди