Ўзбeкистон бўйича 25-29 сентябрь кунларига об-ҳаво прогнози эълон қилинди.
Қайд этилишича, ушбу ҳафта давомида Ўзбекистон ҳудуди бўйича кузнинг биринчи ойи учун хос бўлган қуруқ ва илиқ об-ҳаво сақланиб туради, ҳаво ҳарорати ўртача кўп йиллик қийматларга яқин бўлади.
Ҳафтанинг биринчи ярмида республика бўйича асосан кам булутли об-ҳаво бўлади, ёғингарчилик кутилмайди. Ҳафтанинг иккинчи ярмида ҳаво булутли бўлади, лекин ҳудуднинг катта қисмида қуруқ об-ҳаво сақланиб туради, фақат Қорақалпоғистон Республикаси ва Хоразм вилоятида иш ҳафтасининг энг охирида — 29 сентябрь куни баъзи жойларда қисқа муддатли ёмғир ёғади.
Шамол шарқдан бироздан ўртачагача эсади.
Кечалари ва эрталабки соатларда ҳарорат 12-17 даража атрофида нисбатан салқин бўлади, кундуз кунлари эса қуёш нурлари ҳавони 25-30 даражагача, баъзи жойларда 32 даражагача иситади.
Тоғли ҳудудларда айрим кунларда жадаллиги асосан бироз бўлган ёмғир ёғиши мумкин.
Пойтахтимизда 25-29 сентябрь кунлари ҳаво бироз булутли бўлади, вақти-вақти билан ўзгариб туради, ёғингарчилик кутилмайди. Шамол шарқдан 3-8 м/с тезликда эсади. Ҳарорат кечалари 13-16 даража, кундуз кунлари 25-28 даража бўлади.
Тасодифий хабарлар
Президентнинг Намангандаги ташрифи ниҳоясига етди
Қодировнинг 16 ёшли ўғли Россия Мудофаа вазирлиги батальонига раҳбар бўлди
Ўзбекистонда 2 кун давомида нотариуслар фаолият кўрсатмаслиги маълум қилинди
iPhone 14 смартфонида SIM-карта учун жой йўқ
АҚШ Федерал тергов бюроси ўзбекистонликни айғоқчиликка мажбурлаган