Бугун, 25 декабрь куни Ўзбекистон ҳудудларига Эрон ҳудудларидан илиқ ва нам ҳаво массалари кириб келиши бошланди. Кўпчилик вилоятларда ёмғир ёғади. Республикамизнинг шимолий ва жануби-шарқий ҳудудларида ёғингарчиликсиз об-ҳаво сақланиб туради.
Гидрометеорология хизмати маркази хабарига кўра, ҳаво ҳарорати ниҳоят декабрь ойининг охиридаги ўртача кўп йиллик қийматларга яқинлашади ва 7-10° илиқни ташкил этади.
Бироқ иссиқ узоқ вақтга келмади. Эртага, 26 декабрь куни республика ҳудудларига жанубий циклон кириши бошланади, сўнгра Урал ҳудудларидан совуқ антициклон кириб келади.
Республика бўйича ёмғир ёғади, кечга томон қорга айланиши мумкин, фақат республика шимолида ва шимолий ҳудудларнинг чеккасида ёғингарчилик кутилмайди
Якшанба куни ёғингарчилик бўлади, у совуқ фонда қор кўринишида давом этади. Республиканинг тоғли ҳудудларида баъзи жойларда кучли қор ёғиши мумкин, қор кўчиши хавфи сақланиб туради.
Дам олиш кунлари ҳарорат пасаяди ва якшанба куни 3° совуқ -2° илиқ атрофида бўлади. Бу даврда кечаси ва эрталаб республика бўйича баъзи жойларга туман тушиши мумкин. Бугун ва эртага республиканинг айрим ҳудудларида шамол 15-20 м/с гача кучайиши кутилмоқда.
Тасодифий хабарлар
Энди ҳокимларни депутатлар тасдиқлайди
Расман: “свет”, газ ва сувдан ноқонуний фойдаланган шахслар қамалади
Хоразмда 43 ёшли аёл эҳтиётсизлиги туфайли поезд йўлида вафот этди
Зеленский ўзбекистонлик корхона ва шахсларга санкция киритди
Президент Сардоба тумани аҳолиси билан учрашди (фоторепортаж)