Бугун мамлакат ҳудудининг катта қисмида ёз фаслининг боши учун меъёрий қийматлардан 7-10 даражага юқори бўлган, Эрон ҳудудларидан кириб келган аномал иссиқ об-ҳаво сақланиб туради.
“Ўзгидромет” хабарига кўра, қуруқ об-ҳаво бўлиши кутилмоқда, фақат кечга томон Тошкент вилоятида, шунингдек тоғолди ва тоғли ҳудудларда конвектив булутлилик ривожланишида момақалдироқ билан қисқа муддатли ёмғир ёғиши эҳтимоли бор. Аксарият вилоятларда кундуз куни ҳаво 40-43 даража иссиққача, жанубда баъзи жойларда 44-46 даражагача кўтарилади. Кавказ ҳудудларидан кириб келаётган кучсиз антициклон таъсирида республика шимолида ҳаво ҳарорати пасаяди ва 33-38 даража иссиқни ташкил этади. Республика бўйича баъзи жойларда шамол 17-22 м/с гача, баъзи жойларда чангли бўрон билан кучайиши сақланиб туради.
Эртага Кавказ ҳудудларидан кириб келган салқин ҳаво республиканинг катта қисмини қамраб олади, бунинг ҳисобига ҳаво ҳарорати пасаяди. Ўзбекистонда ёғингарчиликсиз об-ҳаво бўлиши кутилмоқда, фақат Тошкент вилоятида, тоғолди ва тоғли ҳудудларда момақалдироқ билан қисқа муддатли ёмғир ёғиши эҳтимоли бор. Ҳаво ҳарорати кечалари 24-27 даража иссиқ атрофида бўлади, кундуз кунлари эса ҳарорат пасаяди ва 34-38 даража иссиқни, республиканинг энг жанубида 41-43 даража иссиқни ташкил этади
Бундай ҳарорат фони ҳафта охиригача давом этади, аммо ҳарорат меъёрдан ҳали ҳам юқори бўлади ва кечалари 20-25 даража иссиқни, кундуз кунлари 34-39 даража иссиқни, республиканинг энг жанубида 41-43 даража иссиқни ташкил этади. Ушбу даврда ёғингарчилик кутилмайди, фақат тоғолди ва тоғли ҳудудларда конвектив булутлилик ривожланишида момақалдироқ билан қисқа муддатли ёмғир ёғиши мумкин. 8-9 июнь кунларида шамолли об-ҳаво сақланиб туради, республика бўйича шамол 17-22 м/с гача, баъзи жойларда чангли бўрон билан кучайиши мумкин.
Тасодифий хабарлар
Трампнинг мағлубиятини башорат қилган экстрасенс COVIDнинг қачон тугашини маълум қилди
Янги ўқув йилидан масофавий ўқитиш жорий этилади
Андижонда аёл киши интим видеоси сабаб таҳдидга учради
Ўзбекистонда коронавирус билан касалланиш бўйича 2021 йилги рекорд янгиланди
Президент хиёнатда айблаган Акром Раҳмонқулов 7,6 йилга қамалди