Аҳоли томонидан нақд валютани божхонадан декларациясиз олиб ўтиш миқдори оширилди. Бу ҳақда Вазирлар Маҳкамасининг 443-сонли қарори билан Ҳукуматнинг айрим қарорларига ўзгартириш ва қўшимчалар киритилди.
Хусусан, аҳоли томонидан олиб кириш ва олиб чиқиш мумкин бўлган нақд валюта миқдори 100 млн сўмгача этиб белгиланди. Олдин бу кўрсаткич 70 млн сўмни ташкил этган.
Мазкур эквивалентдан ортиқ миқдордаги нақд Ўзбекистон ёки чет эл валютаси йўловчи божхона декларациясини тўлдириш ва божхона органи ходимига тақдим этиш йўли билан божхона назоратидан ўтказилади.
Фуқаролар декларация тўлдириш талаб этиладиган белгиланган эквивалентдан ортиқ нақд валюта маблағларини божхона назорати шакллари қўлланилмасдан олдин декларацияламаган ҳолда божхона органлари ходимларига маслаҳат олиш мақсадида тақдим этса, уларга декларация тўлдириш қоидалари ҳақида умумий тушунтиришлар берилади.
Қарор расмий эълон қилинган кундан 3 ой ўтиб кучга киради.
Акобир Сайидов
Тасодифий хабарлар
Ўзбекистон электр энергияси энг арзон 10 давлат қаторига кирди
“Лаққа балиқ” айбдорми? Наманганда янги қурилаётган кўприк қулаб тушди
Самарқандда 10 киши бир йигитни ўлгунича калтаклагани айтилмоқда. Расмий хабарда эса...
Европа Россия газини санкцияларни бузмасдан сотиб олиш режасини ишлаб чиқди
Австралияда бир кунда 90 та кит ҳалок бўлди