Ўзбекистон фуқаролари Россия томонидан урушга жўнатилаётгани ҳақидаги маълумотга муносабат билдирди

Россия Донецк вилоятида Ўзбекистондан келган қурувчиларнинг паспортларини олиб қўйиб, уларни “кўнгилли” сифатида урушга юборгани ҳақида хабар берилган эди. Ўзбекистоннинг Украинадаги элчихонаси ҳолат юзасидан маълумот берди.

Унга кўра, Украина Қуролли Кучлари Бош штаби томонидан Ўзбекистон фуқароларини Россия қўшинлари сафига кўнгилли сифатида мажбуран сафарбар этилаётгани тўғрисида чоп этилган маълумот юзасидан Украинадаги элчихона мазкур давлат Ташқи ишлар вазирлигига тегишли сўров юборди.

Ушбу масала дипломатик ваколатхона томонидан доимий назоратга олинган бўлиб, Украина томонидан юқоридаги маълумот тасдиқланган тақдирда, фуқаролар манфаатларини ҳимоя қилиш бўйича керакли барча чора-тадбирлар кўрилади