Ижтимоий тармоқларда Россия Ички ишлар вазирининг жорий йилнинг 22 сентябрь куни қабул қилинган, мамлакатда вақтинча бўлиб турган Ўзбекистон, Қирғизистон ва Тожикистон фуқароларини армияга сафарбар этишни ташкиллаштириш тўғрисидаги буйруғи экани айтилаётган ҳужжат сурати тарқалди.
Буйруққа кўра Ўзбекистон, Тожикистон ва Қирғизистон республикалари фуқароларини 2022 йил 1 ноябрдан бошлаб мажбурий тарзда Россия Федерацияси Қуролли Кучлари таркибига жалб этиш кераклиги кўрсатилган.
Агарда улар ҳарбий хизматга боришдан бош тортса, чақириқ қоғозини қабул қилмаса, уларга ишлаш учун берилган рухсатномани бекор қилиш ва 5 йил муддатга Россияга киришини тақиқлаб, депорт қилиш буюрилган.
Ҳужжатда хорижий фуқаролардан 75 000 нафарини ҳарбий хизматга олиш бўйича кўрсатма берилган.
“Спутник Қирғизистон” нашрининг Бишкекдаги Россия элчихонасига таяниб, ёзишича, бу хабарлар ҳақиқатга тўғри келмайди.
“Биз Россиядаги чет эл фуқароларини, жумладан қирғизистонликларни ҳам турли провокацияларга берилмасликка ва фақат расмий маълумотларга эътибор қаратишга чақирамиз”, дейилади элчихона хабарида.
Эслатиб ўтамиз, Россия президенти ҳузуридаги Инсон ҳуқуқлари бўйича кенгаш аъзоси Кирил Кабанов охирги 10 йилда Россия фуқаролигини олган марказий осиёликларни ҳам урушга сафарбар қилиш имкониятлари кўриб чиқилаётганини маълум қилганди.
Қайд этиш керакки, Россияда меҳнат мигрантларини фаол равишда урушга тортиш кампанияси олиб борилмоқда. Бунинг учун, ҳатто Президент Владимир Путин чет элликларга ҳарбий хизматга бориш эвазига фуқаролик беришни осонлаштириш ҳақидаги қонунни ҳам имзолади. Шунингдек, мамлакатдаги миграция марказларида муҳожирларга турли тилларда урушга боришнинг фойдаси, бериладиган имтиёзлар ҳақида варақалар тарқатилмоқда.
Тасодифий хабарлар
Қозоғистонлик болакай Роналду билан суратга тушди
Наманганда жанжални сабабини билиш учун келган йигитнинг ўзи жанжалга аралашиб қолди
“Узр, ўғлингизни кислотада эритиб юбордик”. Мафия адашиб ўлдирган қурбонининг ота-онасига товон пули таклиф қилди
Ҳеч ким солиқ сиёсатини онасининг қорнидан ўрганиб тушмайди – Шайхов
Жанубий Корея разведкаси собиқ раҳбари 9 йилга озодликдан маҳрум этилди