Дам олиш кунлари Ўзбекистонда ҳаво қандай бўлиши айтилди

Ўзбекистоннинг барча ҳудудларида дам олиш кунлари қуруқ об-ҳаво бўлиши кутилмоқда. Фақат республиканинг айрим тоғли ҳудудларида бироз қор ёғиши мумкин. Бу ҳақда Гидрометеорология хизмати маркази хабар берди. 

Қайд этилишича, кечалари совуқ об-ҳаво сақланиб туради. Ҳарорат кечалари 2-7 даража совуқ атрофида бўлади. Кундуз кунлари ҳаво 2-5 даража илиқгача, жанубда 7-9 даража илиқгача исийди. 

Йўлларда баъзи жойларда яхмалак юзага келиши сақланиб туради. 

“Республиканинг тоғли ҳудудларида 9-10-февраль кунлари кучли қор ёғиб ўтди. Қор қопламининг баландлиги икки кеча-кундузда 60-70 смга ошди ва 150 смга етди, бу меъёрдан деярли 2 баробор кўп. Янги ёғган қор беқарор ҳолатда, шунинг учун қор кўчиш хавфи жуда юқори. Тоғларга борганингизда жуда эҳтиёт бўлинг!”, дейилади хабарда.