Андижондаги уйларнинг бирида 63 ёшли аёл ва унинг 18 ёшли жиянинг мурдаси қотиллик аломатлари билан топилгани ҳақида хабар бергандик. Бош прокуратура матбуот котиби Ҳаёт Шамсутдинов ҳолат юзасидан қўшимча маълумот берди.
Аниқланишича, 25 январь куни соат 18:30 ларда 30 ёшли эркак аммасининг яшаш уйида кредит қарздорлигини тўлаш учун қарзга пул сўраган ва аммасидан рад жавобини олган.
Рад жавобидан жаҳли чиққан эркак пул маблағларини қўлга киритишни мақсад қилиб, аммаси ва у билан яшовчи жияни (амакисининг қизи) ни хўжалик пичоғи билан қасддан ўлдирган.
Шундан сўнг, у хонадонда бўлган 7 млн сўм пулни қўлга киритиб, воқеа жойидан яширинган. Олиб борилган тезкор-қидирув тадбирлари натижасида гумонланувчи шахс ушланган.
Тергов ҳаракатлари давом этмоқда.
Манба: Uznews
Тасодифий хабарлар
Turkmaniston maxsus xizmatlari dindorlarni so‘roqqa chaqirib, soqol qo‘yganlarni majburan oldirmoqda
Ukrainada ikki boshli chaqaloq tug‘ilishiga tashqi omillar ta’sir qilganligi taxmin qilindi
Анқарадаги теракт ортида ким тургани маълум бўлди
Россиянинг Украинадаги йўқотишлари сони 160 мингдан ошди
6 ёшли ўгай ўғлини камар билан урган шахс руҳий касалликлар шифохонасига ётқизилди