Наманган вилояти Тўрақўрғон туманида 28 июль куни эркак синфдошининг тўйида собиқ хотинини пичоқлаб қўйди. Бу ҳақда вилоят Ички ишлар бошқармаси ахборот хизмати хабар берди.
Маълум бўлишича, воқеа соат 14:30 атрофида туманда 34 ёшли фуқаронинг уйида ўтказилган тўйда содир бўлган. Аниқланишича, тўйда 34 ёшли эркак собиқ хотини билан тортишган. Эркак кўчага чиқиб, ошхона пичоғи билан собиқ турмуш ўртоғининг кўкрак қафаси чап томон олд юзасига икки маротаба ва бел соҳасига икки маротаба урган вақтида синфдошлари уни ажратган. Ҳодиса оқибатида аёл тан жароҳати олиб, шифохонага ётқизилган.
Мазкур ҳолат бўйича Тўрақўрғон туман прокуратураси томонидан Жиноят кодексининг 25, 97-моддалари (Қасддан одам ўлдириш) 1-қисми билан жиноят иши қўзғатилиб, фуқаро процессуал тартибда ушланган.
Тасодифий хабарлар
Тошкентда маст ўғил отасини дўппослаб, ертўлага қамаб қўйди
Финландия Россия билан қуруқликдаги чегарасини бутунлай ёпди
Сурхондарёда Damas'да 12 та йўловчи олиб кетаётган ҳайдовчи жаримага тортилди
Диққат “омикрон”нинг янги мутацияси кенг тарқаляпти! Ўзбекистон ССВ огоҳлантирмоқда
Қашқадарёлик блогер сайёр қабулда вилоят ҳокимини видеога олгани учун ҳақоратланганини айтди. Уни ИИБ ходими тадбирдан олиб кетишга уринган