МЧЖда ўтказилган текширувда аниқланган қонунбузилиш ҳолатлари бўйича қўлланиладиган жарима миқдорини камайтириб бериш эвазига МЧЖ раҳбаридан пора талаб қилган Экология ва атроф-муҳитни муҳофаза қилиш бошқармасининг Олтиариқ туман бўлими бошлиғи пора билан қўлга тушди. Бу ҳақда Прокуратура департаменти матбуот хизмати хабар бермоқда.
Маълум бўлишича, Фарғона вилояти Экология ва атроф-муҳитни муҳофаза қилиш бошқармасининг Олтиариқ туман бўлими бошлиғи Х.У. “Р.Қ.” МЧЖда ўтказилган текширувда аниқланган қонунбузилиш ҳолатлари бўйича қўлланиладиган жарима миқдорини камайтириб бериш эвазига МЧЖ раҳбари А.дан ўз хизмат хонасида 1 600 АҚШ доллари пора талаб қилиб олган вақтида Бош прокуратура ҳузуридаги Департаментнинг Фарғона вилоят бошқармаси томонидан ДХХ ва ИИБ ходимлари билан ҳамкорликда тадбиркорлик субъектларининг ҳуқуқларини ҳимоя қилиш юзасидан ўтказилган тезкор тадбирда ашёвий далиллар билан ушланган.
Мазкур ҳолат юзасидан Жиноят кодексининг 210-моддаси (пора олиш) билан жиноят иши қўзғатилиб, тергов ҳаракатлари ўтказилмоқда.
Тасодифий хабарлар
Путин агар рублда тўлашдан бош тортса, Европага газ етказиб беришни тўхтатиш билан таҳдид қилди
Наманганда коронавирусга чалинган фуқаролардан 11 нафари бутунлай соғайди
Петербургдаги дўконга қуролли ҳужум бўлди (видео)
ИИБ ходимлари уюшган жиноий тўда томонидан тошбўрон қилингани айтилган видео юзасидан расмий маълумот
Жо Байден Путинни қаттиқ огоҳлантирди