Европа Иттифоқининг Ўзбекистондаги делегацияси Наврўз байрамига бағишланган видеотабрик тайёрлади. Мусиқий-бадиий лавҳада ваколатхона раҳбари, элчи Шарлотт Адриан бошчилигидаги дипломатлар ҳамда ходимлар шарқона янги йилга атаб ўзбекча шеър ўқиган.
Ушбу шеърда «Боболар ҳалим солар, / Латифа айтиб турар. / Ичакузди ҳазиллар, / Қизийди шўх базмлар. / Элга ризқ-рўз улашиб, / Тандир нонин ушатиб, Яйраб келди Наврўзим / Яшнаб келди Наврўзим» каби халқона сатрлар мавжуд.
Эслатиб ўтамиз, Шарлотт Адриан хоним Европа Иттифоқи делегацияси раҳбари сифатида 2021 йил 23 апрель куни Ўзбекистон Президенти Шавкат Мирзиёевга ишонч ёрлиғини топширган. Ушбу учрашувда ЕИ анъанавий равишда мамлакатимизнинг муҳим стратегик шериги бўлиб келаётгани, европалик ҳамкорлар юртимизда амалга оширилаётган демократик янгиланишлар, иқтисодий ислоҳотлар ва трансформация жараёнларига ҳар томонлама кўмак кўрсатаётгани қайд этилган.
Тасодифий хабарлар
Мессининг уч боласи етим қолиши мумкин
Фарғонада журналист босимга учради. Прокуратура ҳолатни ўрганишга тушди
“Каттаконлар”нинг компанияларини ошкор этган сайт асосчисига оид иш тугатилди
My.gov.uz портали орқали шифокор қабулига ёзилиш йўлга қўйилди
Учқўрғон туманида фуқароларга экин экиш учун ер ажратиб берилмоқда