Террорчилар сафига кетмоқчи бўлган фуқаро ДХХ томонидан қўлга олинди

Давлат хавфсизлик хизмати Жиззах вилоят бошқармаси ҳамда ИИБ ходимлари томонидан тезкор тадбир ўтказилди. Тадбир давомида Суриядаги халқаро террорчилик ташкилоти сафига бориб қўшилишни режалаштирган фуқаро қўлга олинди, деб хабар бермоқда ЎзА.

Пахтакор туманида яшовчи, 21 ёшли фуқаро Х.Б. 2019 — 2021 йиллар мобайнида катта миқдорда пул ишлаб топиш мақсадида хорижий давлатларда бўлиб, “Тавҳид ва жиҳод катибаси” халқаро террорчилик ташкилотининг ғоявий таъсирига тушиб қолди.

У Пахтакор туманига қайтиб келиб, ўзи яшайдиган ҳудудда халқаро террорчилик ташкилоти ёлловчилари ғояларини махсус топшириқларга кўра, 10 нафардан ортиқ тенгқури орасида фаол тарғиб қилиш билан шуғулланади.
Бу ҳолатлар мутасадди идора ходимлари томонидан аниқланиб, халқаро террорчилик ташкилотлари сафига қўшилишни режалаштирган бир пайтда Жиззах вилоят ИИБ ва ДХХ ходимлари томонидан қўлга олинди.