Наманган вилояти Янгиқўрғон туманидаги хонадонлардан бирида 500 млн сўмлик ноқонуний 85 турдаги озиқ-овқат маҳсулотлари ва спиртли ичимликлар мавжудлиги аниқланган.
Вилоят Божхона Бошқармасининг kun.uzга маълум қилишича, Янгиқўрғон тумани Қизилёзи маҳалласида яшовчи, К.М.нинг хонадони кўздан кечирилганда, тахминий қиймати 500 млн сўмлик 85 турдаги озиқ-овқат маҳсулотлари ва спиртли ичимликлар мавжудлиги аниқланган.
Суриштирув тадбирлари давомида, ушбу маҳсулотларни Янгиқўрғон тумани Дўстлик маҳалласида яшовчи С.С.га тегишли эканлиги ва у мазкур товар-моддий бойликларини Қирғизистон Республикаси ҳудудидан чегарадан айланма йўллар орқали ноқонуний тарзда олиб ўтиб, қариндоши Қ.Ж. орқали, қўшнисининг яшаш хонадонига вақтинча сақлаб туриш учун олиб келиб жойлаштирганлиги аниқланган.
Ҳозирда ҳолат юзасидан вилоят Божхона Бошқармаси томонидан терговга қадар суриштирув тадбирлари олиб борилмоқда.
Тасодифий хабарлар
“Навбаҳор” 6 нафар легионерга жавоб берди
Шавкат Мирзиёев: Барча ички ишлар ходимлари иш ҳақи 30 фоизга, маҳаллада хизмат ўтовчи ходимлар иш ҳақи эса 60 фоизга оширилади
Наманганда мажбурий ижро вақтида ўзига ўт қўйиб ҳалок бўлган аёл воқеаси бўйича жиноят иши қўзғатилди
АЛИМЕНТ МАЖБУРИЯТЛАРИ
«Сен бўлмасанг бошқаси» – Россияда Instagramнинг аналоги яратилди