“Tesla” электромобили бир вақтнинг ўзида иккита инсоннинг умрига зомин бўлди

Автопилотда ишлайдиган “Tesla” электромобили илк бор жиддий автоҳалокатга учраб, иккита одамнинг ўлимига сабабчи бўлди.

Маъшум воқеа Лос-Анжелесда содир бўлди. “Model S” рулидаги 27 ёшли киши трассадан чиқиб кетаётиб “Honda Civic” машинасига урилган. Суд ишида автомобил ишлаб чиқарувчи компанияга айблов қўйилмоқда, чунки ўзи бошқарувчи тизим тўлиқ шакллантирилмай туриб фойдаланишга рухсат берилган.

Экспертларнинг маълум қилишларича, ҳозирда ҳеч бир ўзини ўзи бошқарадиган автомобилга нисбатан ишонч тўлиқ оқланмаган. Ҳар бир транспорт воситаси ҳайдовчидан билим, масъулият ва албатта бошқарувни талаб этгани маъқул.