Қашқадарёда Cobalt русумли автомобиль ҳайдовчиси руль бошқарувини йўқотиб, бетон тўсиққа урилиши оқибатида 5 киши воқеа жойида вафот этди. Бу ҳақда вилоят Ички ишлар бошқармаси Матбуот хизмати хабар берди.
Қайд этилишича, ушбу ҳодиса жорий йилнинг 1 январь куни соат 13:00 ларда Қашқадарё вилояти, Деҳқонобод тумани ҳудудидан ўтувчи М-39 “Термиз-Тошкент” автомобиль йўлида содир бўлган.
Маълум қилинишича, Cobalt русумли автомобиль ҳайдовчиси ёмғирли об-ҳавони инобатга олмасдан катта тезликда ҳаракатланган. Шу сабаб ҳайдовчи автомобиль бошқарувини йўқотиб, бетон тўсиққа урилган.
Ҳодиса оқибатида ҳайдовчи А.М. ҳамда ушбу автомобилда бўлган тўрт нафар йўловчилар олган оғир тан жароҳатлари туфайли воқеа жойида вафот этган.
Мазкур ЙТҲ юзасидан Деҳқонобод тумани ИИБ ҳузуридаги тергов бўлими томонидан дастлабки тергов ҳаракатлари олиб борилмоқда.
Тасодифий хабарлар
Тожик-қирғиз чегарасида барча ҳарбий ҳаракатлар тўхтатилди
Фарғона вилояти ҳокимлиги ахборот хизмати баёноти
Наманган шаҳрида ИИО ФМБ 1-сонли ИИБ бошлиғи ишдан олинди
Фарғонада тез тиббий ёрдам ходимлари калтакланди
“Узр, ўғлингизни кислотада эритиб юбордик”. Мафия адашиб ўлдирган қурбонининг ота-онасига товон пули таклиф қилди