Ўзбекистон интернет тезлиги бўйича дунёда нечанчи ўринда туради?

Буюк Британиянинг телекоммуникация хизматлари провайдерларини солиштиришга ихтисослашган Cable.co.uk нашри ҳисоботига кўра, Ўзбекистон интернет тезлиги бўйича жаҳонда 166-ўринни банд қилди.

Ҳисоботга кўра, Ўзбекистонда 5 гигабайтлик файл ўртача 6,64 Мбит/с тезликда юклаб олинади. Бу кўрсаткич бўйича мамлакат 224 давлат орасида 166-ўринда туради дегани. Шунингдек, мамлакатда 1 Гб мобил интернетнинг ўртача нархи 4,65 долларни ташкил қилади.

Рейтингнинг юқори поғонасида Ғарбий Европа давлатлари жой олган. Унга кўра, Жерси (Британия тожини тан олган орол-давлат) 1-ўрин (274,27 Мбит/с), Лихтенштейн 2-ўрин (211,26 Мбит/с), Исландия 3-ўрин (191,83 Мбит/с), Андорра 4-ўрин (164,66 Мбит/с) ва  Гибралтар 5-ўрин (151,34 Мбит/с) энг юқори тезликдаги интернетга эга давлатлар деб топилган.

Рейтингнинг қуйи ўринларида эса Туркманистон (0,50 Мбит/с, 224-ўрин), Яман (0,68 Мбит/с, 223-ўрин), Эфиопия (1,20 Мбит/с, 222-ўрин), Гвинея-Бисау (1,24 Мбит/с, 221-ўрин) ва Экваториал Гвинея (1,30 Мбит/с, 220-ўрин) мамлакатлари жойлашган. уйи поғонадига давлатларнинг учтаси Саҳрои Кабирда, бири Яқин Шарқда ва биттаси МДҲда жойлашган.

Шунингдек, МДҲ мамлакатларида ўртача интернет тезлиги 12,87 Мбит/сни ташкил қилади. Хусусан, рейтингда Россия (35,73 Мбит/с, 66-ўрин), Украина (25,26 Мбит/с, 77-ўрин) ва Беларусь (19,86 Мбит/с, 92-ўрин) ларни қайд этган.

Собиқ Иттифоқ давлатларидан Арманистон 101-ўрин (18,05 Мбит/с), Грузия 112-ўрин 13,83Мбит/с), Қирғизистон 155-ўрин (7,44Мбит/с), Ўзбекистон 166-ўрин (6,64 Мбит/с), Озарбайжон 167-ўрин (6,63Мбит/с), Қозоғистон 173-ўрин (5,83Мбит/с), Тожикистон 211-ўрин (1,82Мбит/с), Туркманистон 224-ўринни (0,50Мбит/с) эгаллади.

Маълумот учун, ҳозирда Ўзбекистонда интернет фойдаланувчиларининг умумий сони 23 миллионни ташкил қилмоқда.