Бугун, 23 ноябрь куни Ахборот технологиялари ва коммуникацияларини ривожлантириш вазири Шерзод Шерматов АҚШнинг Ўзбекистон Республикасидаги Фавқулодда ва Мухтор элчиси Дэниел Розенблюм билан учрашди.
Учрашув давомида АКТ соҳасидаги долзарб йўналишлар, жумладан, телекоммуникация, IT-таълим, IT-парк ҳамда электрон ҳукумат соҳаларида ҳамкорлик қилиш масалалари муҳокама қилинди.
«Бугунги кунда АҚШ халқаро IT-бозорида етакчилик қилаётган давлатлардан бири. Бу борада икки мамлакат ўртасидаги ҳамкорлик, илғор хорижий тажрибани ўрганиш муҳим аҳамиятга эга», — деди АКТ вазири Шерзод Шерматов.
Дэниел Розенблюм эса Ўзбекистон IT-бозори юқори салоҳиятга эга эканини таъкидлади ва юртимизда амалга оширилаётган рақамли ислоҳотларга ижобий баҳо берди.
Томонлар ахборот технологиялари соҳасида Ўзбекистон ва АҚШ ўртасида ҳамкорликни янада ривожлантириш бўйича улкан салоҳият мавжудлиги ҳамда бу борада барча саъй-ҳаракатларни сафарбар этишга тайёр эканликларини билдирдилар.
Тасодифий хабарлар
Шифокорларнинг саводсизлиги туфайли 2 яшар қиз ҳалок бўлди
«Замминистрнинг иккинчи хотини» фирмаси ўз номини ўзгартирди
Қуюқ туман Ўзбекистон аэропортлари ишини чеклади
Навоийдаги “Темирчи” олтин кони 67,7 млрд сўмга сотилди
Зеленский ўзбекистонлик корхона ва шахсларга санкция киритди