Фарғонада нонвой маҳалласидаги қизни дала майдонида ўлдириб, жасадни ёқиб юборди. Бу жиноят Фарғона вилояти ИИБ ва Прокуратура идоралари ходимлари томонидан тезкорлик билан фош этилди.
Ўта ваҳший қотиллик ортидан Фарғона вилояти Фурқат туманида туғилган, оилали, икки нафар фарзанди бор, новвойчилик билан шуғулланиб келган А.Х. (исми-шарифи таҳририятга маълум)га нисбатан Ўзбекистон Республикаси Жиноят кодекси(ЖК)нинг 97-моддаси 2-қисми “в,ж” бандлари ҳамда 134-моддаси тартибида жиноят иши қўзғатилди.
Маълум бўлишича, А.Х. Фурқат тумани, “Қизил-Қиёқ” МФЙ марказида жойлашганнонвойхонасига келган енгил даражадаги ақлий заиф бўлган Н.Й. билан ўрталаридаги ишқий муносабат туфайли жанжаллашиб, уни бўйнидан бўғганида, шу ерда бўлган Б.Х. уларни ажратиб қўяди ва шу пайт пичоқ билан ташланган Н.Й.ни қўлидан пичоқни тортиб олиб, болта билан пешона соҳасига бир марта уриб, унга ўртача оғир шикаст етказган.
Шу воқеалар ортидан А.Х. шу маҳаллада истиқомат қилувчи Н.Й.дан бутунлай қутулиш мақсадида уни ўлдиришни режалаштириб, 1,5 литр елим идишда бензинсотиб олиб, нонвойхонасида ишлатиладиган ёғоч сопли ошхона пичоғи ва 2 метрли кабель симини тайёрлаб, нонвойхонаси олдига келган Н.Й.га 20.000 сўм эвазига жинсий алоқа қилмоқчи эканини айтади ва шу маҳалла ҳудудидаги фермерхўжалиги дала майдонининг хилват жойига уни алдаб олиб борган.
Воқеалар давомида қўлига қўлқоп кийган А.Х., Н.Й.ни ётқизиб, унинг оёқларини сим билан боғлайди ва сочидан ушлаб олган ҳолда бошини тепага тортиб, ошхона пичоғи билан бўйнидан вена томирини кесади.
А.Х. ўта шафқатсизлик билан Н.Й.ни қасддан ўлдириб, жиноий ҳаракати фош бўлишининг олдини олиш мақсадида ўзи билан олиб борган бензинни жасаднинг устидан сепиб, ёқиб юбориб, мурдани таҳқирлаган.
Тасодифий хабарлар
Ўзгидромет ҳаво совиши ҳақида шошилинч ахборот эълон қилди
2020 йил 29 июль соат 10:00 ҳолатига кўра, Наманганда коронавирус инфекцияси қайд этилганлар сони яна ошди
"Қора дафтар": "Толибон" ўлимга ҳукм қилинадиганлар рўйхатини тузмоқда
Энди тадбиркорлик учун берилган ерлар хусусийлаштирилиши мумкин
Наманган вилояти ФВБга янги бошлиқ тайинланди