Ўзбекистон олтин-валюта захираси 1 ноябрь ҳолатига 35 млрд 211 млн долларни ташкил этмоқда. Ўтган бир ойда мамлакатнинг халқаро захиралари 797,1 миллион долларга ёки 2,3 фоизга ўсди. Бу ҳақда Марказий банк маълум қилди.
Ўзбекистоннинг хорижий валютадаги захира активлари (конвертация қилинувчи хорижий валюталарда) миқдори бир ой давомида 466 миллион долларга кўпайиб, 12 млрд 417 миллион долларга етган.
Бир ойда Ўзбекистоннинг олтин захираси ҳажми 325,2 млн долларга кўпайиб, 21,66 млрд долларга етган. Мамлакатнинг соф олтин захираси октябрдаги 12,3 миллион трой унциядан 12,1 миллион трой унциягача камайган.
Марказий банк маълумотига кўра, Ўзбекистоннинг соф халқаро захиралари 2021 йил бошига нисбатан 307,4 млн долларга кўпайган.
Марказий банк изоҳига кўра, мамлакат олтин-валюта захирасининг ортишига олтин нархининг ой бошидаги 1730,95 доллардан 1796,30 долларгача кўтарилиши таъсир қилган.
Тасодифий хабарлар
Рамазон ойи учун президент бозорларда озиқ-овқат ярмаркасини бошлашни буюрди
Самарқандда 50 минг сўмга уйини йигит ва қизга ишқий муносабатлар учун бериб турган йигит ушланди
Жуда кўп ишларимиз тўсиқларга, жойлардаги ноинсофликларга дуч келмоқда – Президент
Президент топшириғи: абгор маҳаллаларнинг йўли тузатилиб, сув билан таъминланади
Греция собиқ президенти вафот этди