Айни кунларда Ўзбекистон Республикаси Бош вазири Абдулла Арипов бошчилигидаги делегация Германияда бўлиб турибди.
Кеча, 11 ноябрь куни Германиянинг Бавария федерал ўлкаси Бош вазири Маркус Зёдер Instagram саҳифасига Ўзбекистон Бош вазири Абдулла Арипов билан биргаликда Мюнхеннинг “Бавария” футбол клуби либосини ушлаб тургани акс этган суратни жойлаштирди.
“Марказий Осиёдан Баварияга халқаро ташриф: Ўзбекистон Бош вазири ва “Бавария” жамоаси мухлиси ҳисобланган Абдулла Арипов билан суҳбат. Бавария алоқаларни яхши йўлга қўйган. Ўзбекистон ишончли халқаро ҳамкордир. Ушбу мамлакат Афғонистондан аҳолини эвакуация қилиш пайтида Бундесверни қўллаб-қувватлади”, дея ёзиб қолдирган Зёдер.
Эслатиб ўтамиз, Афғонистонда "Толибон" ҳаракати ҳокимият тепасига келгач, Германия мамлакатдаги фуқароларини ва ўзига ёрдам берган афғонларни эвакуация қилди. Бунда расмий Тошкент ўз аэропортидан транзит ҳудуд сифатида фойдаланишга рухсут берди.
Тасодифий хабарлар
Huawei Ўртачирчиқдаги мактабга хитой тилини ўрганиш учун ажратилган синфхоналарни янгилашда ёрдам берди
Yangi avlod hatchback BMW 1-seriyali avtomobili ishlab chiqarila boshladi
Олимжон Исаев Наманган шаҳар ҳокими этиб тайинланди
«Сатторий иши» бўйича суд жараёни ниҳоясига етди
COVID-19 бўйича нохуш хабарлар: 300 га яқин бемор аниқланди, бир киши вафот этди