Кўп қаватли уйда портлаш содир бўлди

2021-10-04 15:18 1 148

Чилонзор туманидаги кўп қаватли уйлардан бирида газ-ҳаво аралашмасининг чақнаши натижасида портлаш содир бўлди.

Фавқулотда вазиятлар вазирлиги ахборот хизматининг бирламчи хабарига кўра, жорий йилнинг 3 октябр куни соат 22:13 да пойтахтнинг Чилонзор туманининг еттинчи кварталида жойлашган 59-уйда, газ-ҳаво аралашмасининг чақнаши содир бўлган. Воқеа етти қаватли уйнинг 36-квартирасида содир бўлган.

Фавқулодда вазият оқибатларини бартараф этиш учун вазирликнинг ёнғин-қутқарув экипажи дарҳол воқеа жойига етиб борди. Мавжуд маълумотларга кўра, айни вақтда, уй аҳолиси жабрланмаган. Қурбонлар йўқ. 17 нафар уйи шикастланган фуқаролар вақтинчалик меҳмонхонага жойлаштирилди.

2021-10-04 15:18 1 148