Синоптиклар дам олиш кунлари кутилаётган об-ҳаво прогнозини маълум қилди. Айрим ҳудудларда ёмғир ёғиши мумкин.
Ўзгидромет хабарига кўра, 24-25 сентябрь кунлари Ўзбекистонда қуёшли ва жуда илиқ об-ҳаво сақланиб туради. Кундузи ҳарорат +32…+34 даражагача кўтарилади, бу ушбу кунлар меъёридан 4-6 даража юқори ҳисобланади.
26 сентябрь
куни республика ҳудудининг катта қисмида илиқ ҳаво массаларининг кириб келиши сақланиб туради, кечаси ҳарорат +15…+17 даражани, кундуз куни +35…+37 даражани ташкил этади.
Якшанба куни республиканинг шимолий ҳудудларига Волгабўйи ҳудудларидан салқин ҳаво кириб келиши бошланади. Кечга томон Қорақалпоғистонда ва Хоразм вилоятининг баъзи жойларида бироз ёмғир ёғиши мумкин. Ҳаво ҳарорати кечаси +7…+12 даражагача, кундуз куни +20…+25 даражагача пасаяди.
Душанба куни салқин ҳаво Ўзбекистоннинг барча ҳудудига тарқалади. Республика бўйича ҳарорат фони кескин пасаяди ва ҳафтанинг биринчи ярми давомида кундуз кунги ҳаво ҳарорати +23…+27 даража, кечаси +12…+15 даража атрофида бўлади.
26-27 сентябрь кунларида салқин ҳаво массасининг кириб келишида булутли қатламлар кўпаяди ва баъзи жойларда шамол 15-20 м/с гача кучаяди. Ҳафтанинг иккинчи ярмида ҳаво ҳароратининг янада пасайиши кутилмоқда.
Тасодифий хабарлар
Тошкентда қурилаётган ер-усти метроси учун Россиядан янги метро вагонлари сотиб олинди
Ўзбекистон мусулмонлари идораси раиси, муфтий Усмонхон АЛИМОВ Матбуот ва оммавий ахборот воситалари ходимларини байрам билан табриклади
Ўзбекистон 2020 йилдан бошлаб пахта хом ашёсини экспорт қилмайди
Ўзбекистонда 2022 йилда нечта "Nexia T-250" ишлаб чиқарилди ?
Аҳоли «қора», монополистлар «оқ»! — Расул Кушербаев «Ўзавтосаноат» ҳақида