Ўзбекистонда 1 октябрь давлат ОТМга табақалаштирилган тўлов-шартнома асосида ўқишга қабул қилиш бўйича ариза топширишнинг сўнгги муддати этиб белгиланган эди.
Олий ва ўрта махсус таълим вазирлиги хабар беришича, 2021-ўқув йилида талабаликка тавсия этилмаган, бироқ табақалаштирилган (супер) тўлов-шартнома асосида ўқиш истагини билдирган абитуриентлар учун қулайлик яратиш мақсадида онлайн шаклда ариза қолдириш ҳамда табақалаштирилган тўлов-шартномаларни онлайн олиш имконини берувчи «t-kontrakt.edu.uz» ахборот тизими ишга туширилди.
Қайд этилишича ушбу тизим:
- ортиқча оворагарчилик ва суиистеъмолчиликларнинг олдини олиш;
- жараёнларнинг очиқлиги ва шаффофлигини таъминлаш;
- электрон аризаларни автоматик шакллантириш;
- тўлов-шартномаларни автоматик расмийлаштириш имконини беради.
«Энди абитуриентлар олий таълим муассасасига овора бўлиб, бориб ўтиришлари шарт эмас. Тизим ёрдамида уларнинг маълумотлари ва тўплаган балли Давлат тест маркази базасидан тўғридан-тўғри олиниб, электрон кўринишдаги ариза асосида электрон тўлов-шартнома автоматик расмийлаштирилади», — дейилади вазирлик хабарида.
Тасодифий хабарлар
“Ким зўр: репетиторми ёки мактаб ўқитувчиси?"
Наманганда аёл 200'000 сўм эвазига уйида жинсий алоқа қилиш учун шароит қилиб берди
Наманганда юк машинасига “Кобальт”га тегишли давлат рақами тақилганлиги фош этилди
Тонировкадан тушган пуллар қаерга ишлатилади?
Абдусалом Азизов Ўзбекистон футбол ассоциацияси президенти лавозимига сайланди