Наманганда фуқаро ҳамқишлоғини ўроқ билан жароҳатлади

Наманган вилоятининг Норин туманида фуқаро ҳамқишлоғини ўроқ билан жароҳатлади. Бу ҳақда вилоят ИИВ Ахборот хизмати хабар берди.

Маълум қилинишича, жорий йил 12 август куни соат 18:50 ларда, Норин туманида яшовчи, 2001 й.т. фуқаро Б.Н. Норин туманида жойлашган фермер хўжалиги дала майдонида ўт ўраётган вақтида дала майдонига экинларини кўриш учун келган, Норин туманида яшовчи, 1996 й.т. фуқаро А.Р. билан ўзаро жанжаллашиб, қўлида бўлган ўроқ билан кўкрак қафасини орқа чап қисмига бир маротаба урган.

Натижада, А.Р. тан жароҳати олиб, шифохонага ётқизилган.

Ушбу ҳолат бўйича Норин туман ИИБ ҳузуридаги Тергов бўлинмаси томонидан 13 август куни Жиноят кодексининг 104-моддаси 2-қисми билан жиноят иши қўзғатилган.