Халқ таълими вазирлиги янги 2021-2022 ўқув йилида мактабларда дарс жараёни гибрид шаклда давом эттирилишига тайёргарлик кўраётганини маълум қилди.
Бунда мактабда юзага келадиган вазиятга қараб, мактаб Санитария-эпидемиология назорати марказлари таклифига асосан маҳаллий кенгашлар қарорларига кўра айрим мактаблар карантинга ёпилиб, масофавий тизимга ўтказилиши мумкин.
Бундай ҳолатларда ўқувчилар таълимни вақтинча масофавий шаклда уйдан давом эттиради. Ўқувчининг масофадан таълим олишига имконият яратиш мақсадида Миллий телерадиокомпаниянинг телеканаллари орқали «Онлайн мактаб» лойиҳаси доирасида эфирга узатилаётган дарслар давом эттирилади.
«Шу ўринда Халқ таълими вазирлиги анъанавий таълимни тўлиқ тикланиши учун барча тизим ходимларини тезроқ вакцина олишларини сўраб қолади. Ҳеч қандай энг замонавий масофавий таълим тизими ҳам бевосита мактабдаги таълим ўрнини боса олмайди», дейилади вазирлик хабарида.
Тасодифий хабарлар
Ўзбекистонда эфирга узатилиши мумкин бўлган хорижий телеканаллар сони ортди
Электр таъминоти корхонаси раҳбари хизмат хонасида ушланди
Ўзбекистонни босиб олишга чақирган Прилепин жазоланадими? Москва жавоб берди
Футбол. Ўзбекистон олимпия жамоаси Хитойни мағлубиятга учратди
Ўзбекистонда суюлтирилган газ баллонлари онлайн назоратга олинади