Уйчи туманида буғдой далалар ёқиб юборилмоқда, ҳолат юзасидан муносабат билдирилди

Жорий йилнинг, 7 июль куни, Namanganliklar.Uz телеграмм каналида "Уйчи туманида хам буғдой далалари ёқиб юборилмоқда" сарлавхаси остида тарқалган хабар бўйича Экология ва атроф-муҳитни муҳофаза қилиш соҳасидаги назорат бўйича Уйчи туман Инспекцияси томонидан тезкор рейд тадбири ўтказилди.

Бунга кўра Наманган вилояти, Уйчи тумани, Гулбоғ МФЙ ҳудудида жойлашган "МАШХУРА-Н" фермер хўжалиги дала майдонида сомон қолдиқларини очиқ аланга олдириб ёқиб юборилганлиги аниқланди.

Фуқаро Б.А такрорий экин экиш мақсадида ерни тозалаш учун сомон қолдиқларини очиқ аланга олдириб ёқиб юборган бўлиб ушбу холат юзасидан фуқаро Б.А га нисбатан Ўзбекистон Республикаси Маъмурий Жавобгарлик тўғрисидаги Кодекснинг 88-моддаси 3-қисмига асосан тегишли тартибда маъмурий баённома расмийлаштирилиб, табиатга етказилган зарар миқдори ҳисобланмоқда.

Бу хақида Наманган вилоят Экология ва атроф-муҳитни муҳофаза қилиш бошқармаси Ахборот хизмати маълум қилди