Элнур Абдураимов кубалик рақибини 2-раунддаёқ нокаутга учратди – видео

Профессионал бокснинг енгил вазн тоифасида ҳаракат қилаётган ўзбекистонлик Элнур Абдураимов Лас-Вегасда ўзининг навбатдаги жангини ўтказди.

Унга бу жангда кубалик Мануэль Корреа рақиблик қилди. 8 раундга мўлжалланган жанг 2-раундда ўз ниҳоясига етди. Элнур қарама-қаршиликни фаол бошлади ва рақибини иккинчи раунддаёқ нокаутга учратди.

Шу тариқа, Элнур Абдураимов навбатдаги жангида ҳам муддатидан олдин ғалаба қозонди. Корреа эса фаолиятидаги илк мағлубиятни қабул қилиб олди.

Бу Элнурнинг проф боксдаги кетма-кет 9-ғалабаси бўлди. Боксчи бу ғалабаларнинг саккизтаси нокаут билан қўлга киритган.