Коронавирусга қарши дорининг нархи жуда қиммат! Арзонлаштирса бўладими?

Коронавирусга қарши Россия дорисининг юқори нархи бутун дунёда бундай дори-дармонларга катта талаб билан изоҳланади, аммо бу дорилар самарадорлигини исботлаш ва уларнинг назоратсиз тарқатилишига йўл қўймаслик керак. Бу ҳақда "Комсомолская правда" ёзмоқда.

"Aрепливир"ни ишлаб чиқарадиган "Фармомед" фармацевтика компанияси ишлаб чиқарувчиси "Промомед"нинг бош директори Aндрей Младенцевнинг сўзларига кўра, нархни арзонлаштиришнинг иложи йўқ.

«Ушбу нарх у ёки бу тарзда тиббий муассасага етказиб бериш нархи билан боғлиқ. Биз бюджет ва чакана савдо учун икки хил нарх қўя олмаймиз, шунинг учун бу аслида шаклланган нарх», – дея таъкидлади у.

Фармацевтика бозори мутахассиси Николай Беспалов халқаро вазият ва эпидемиологик холатни ҳисобга олган ҳолда препарат жуда арзон бўлиши мумкин эмаслигини қўшимча қилди. Шу билан бирга, у дориларни назоратсиз ишлатиш муаммоси ҳақида гапирди.

«Уни фақат касалхоналарда буюриш шарт эмас, лекин шифокор албатта рецепт ёзиши керак. Менимча, бемор ўз хоҳишига кўра ушбу препаратни сотиб ололмаслиги ва ишлатмаслиги лозим», – деди мутахассис.

Вирусолог, тиббиёт фанлари доктори Aнатолий Альтштейн ўз навбатида, дори самарадорлигини исботлаш зарурлигига эътибор қаратди. У Японияда ўтказилган тадқиқотлар "Фавипиравир"нинг самарадорлигини тасдиқламаганлигини ва ушбу дори-дармонни икки марта кўр-кўрона ўрганиш бўйича ҳисобот йўқлигини таъкидлади.

Aввалроқ, Россия Соғлиқни сақлаш вазирлиги "Фавипиравир" коронавирусга қарши препаратни ҳаётий зарур дорилар рўйхатига киритишга қарор қилган эди. Дорилар дорихоналарда "Коронавир" ва "Aрепливир" савдо номлари остида сотилади. 50 донадан иборат "Коронавир"нинг битта тўплами камида 11 550 рублни, 40 донадан иборат "Aрепливир" тўплами эса руслар учун 12 320 рублни ташкил қилади.