Joriy yilning 17 iyun kuni Vengriyada taşlandiq qabristonlardan va özi işlaydigan şifoxonadan insonning tana qismlarini yiğib yurgan 30 yoşli erkak hibsga olindi. Bu haqda “Associated Press” xabar berdi.
Qayd etilişiça, uşbu erkakni Vengriya Milliy tergov byurosi Budapeştda hibsga olgan. Politsiya bayonotiga köra, erkak iş joyida va uyida tana qismlarini saqlab kelayotgani haqida maʼlumot kelib tuşgan. Erkak şifoxonada sanitariya xodimi sifatida işlagan.
Tergovçilar erkakning kvartirasini tintuv qilinganda ular boş suyaklari, butun pastki oyoq qismi va qölni, şuningdek, insonning yuz terisidan tayyorlangan yuz rekonstruktsiyasini topgan. Boşqa suyaklar esa çamadon içida saqlangan holda aniqlangan. Şuningdek, bankada saqlangan yurak ham topilgan bölib, politsiya uning insonniki yoki hayvonniki ekanini aniqlaş ustida işlamoqda.
Erkak söroq paytida tana qismlarini yiğganini tan olgan. U özi inson tana qismlariga alohida qiziqişi borligini aytgan, şuningdek, bunday qismlardan ovqat tayyorlab yeganini ham bildirgan. U hozirça inson jasadlaridan noqonuniy foydalanişda gumon qilinib hibsda saqlanmoqda.
Tergovçilarga köra, u tana qismlarini şifoxonadagi işidan va Slovakiya hamda Vengriyadagi eski va qarovsiz qabristonlardan qazib oliş orqali qölga kiritgan bölişi mumkin.
Politsiya uning kompyuter, noutbuk, planşet, mobil telefon, SIM-karta va maʼlumot saqlovçi kartalarini musodara qilgan. Topilgan barça tana qismlari sud-tibbiyot ekspertlari tomonidan tekşiriladi. Tergov davomida aniqlanişiga qarab, ehtimoliy jinoyatlar doirasi kengayişi mumkin.









