Hindistonning Adani Group konglomerati asosçisi va raisi Gautam Adani Reliance Industries rahbari Mukeş Ambanini ortda qoldirib, Osiyoning eng boy odami unvonini qaytarib oldi. Bu haqda bugun, 17 aprel kuni yangilangan “Bloomberg Billionaires Index” maʼlumotlarida keltirilgan.
Adanining boyligi 92,6 milliard dollarga yetgan. Bu unga dunyo reytingida 19-örinni va mintaqada birinçi örinni egallaş imkonini bergan. Ambanining kapitali esa 90,8 milliard dollarga baholanmoqda (dunyoda 20-örin).
Muvaffaqiyatning asosiy omili Adani Group aktsiyalarining ösişi böldi. Yil boşidan buyon guruhning energetika, aeroportlar va port logistikasi bilan şuğullanuvçi kompaniyalari kotirovkalari kötarilişi fonida Adanining boyligi 8,1 milliard dollarga köpaygan. Şu bilan birga, Ambanining kapitali xuddi şu davrda 16,9 milliard dollarga kamaygan. Osiyoning eng boy uçligini ByteDance asosçisi Çjan Imin (68,7 milliard dollar) yakunlab bermoqda.
Dunyo reytingida katta farq bilan Tesla va SpaceX boş direktori Ilon Mask peşqadamlik qilmoqda, uning boyligi 656 milliard dollarga baholangan. Ikkinçi örinni Google asosçilaridan biri Larri Peyj (286 milliard dollar), uçinçi örinni esa Amazon asosçisi Jeff Bezos (269 milliard dollar) egallab turibdi. Sayyoraning eng boy odamlari orasida eng katta yöqotiş LVMH rahbari Bernar Arnoda qayd etilgan – uning kapitali 44 milliard dollarga qisqargan.









