Avvalroq, Özbekistonda benzin narxi oşişi kutilayotgani haqida xabar bergan edik. “Özbekneftgaz” uşbu maʼlumotni tasdiqladi.
Maʼlumki, Özbekiston Respublikasi Prezidentining 2022 yil 12 dekabrdagi “Kuz-qiş mavsumida isteʼmolçilarni avtobenzin mahsulotlari bilan uzluksiz taʼminlaş va ularning narxlari keskin oşişining oldini oliş çora-tadbirlari töğrisida”gi PQ-440-sonli qaroriga asosan, 2022 yil 10 dekabrdan 2023 yil 1 martga qadar import qilinadigan, mahalliy korxonalar tomonidan işlab çiqariladigan va tadbirkorlik subʼektlari tomonidan yakuniy isteʼmolçilarga sotiladigan AI-80 rusumli avtobenzin mahsuloti uçun aktsiz soliği “nol” stavkada qöllanişi belgilangan edi.
Şuningdek, Vazirlar Mahkamasi tomonidan 2022 yil 15 dekabrda tasdiqlangan “Kuz-qiş mavsumida isteʼmolçilarni AI-80 rusumli avtobenzin bilan uzluksiz taʼminlaş va ularning narxlari keskin oşişining oldini oliş” çora-tadbirlarida 2022 yil 9 dekabrdan 2023 yil 1 martga qadar “Özbekiston respublika tovar-xom aşyo birjasi” AJning alohida birja sektsiyasi orqali AI-80 rusumli avtobenzin mahsulotini sotiş narxining ösişi birja savdosiga çiqariş narxiga nisbatan köpi bilan 5 foizgaça miqdorda belgilangan.
Natijada, 2022 yil 1-12 dekabr kunlari 1 tonna AI-80 rusumli avtobenzin uçun örtaça birja narxi 8 096 ming sömni taşkil qilgan bölsa, 13 dekabrdan boşlab 6 295 ming sömni taşkil qilgan yoki 1 801 ming sömga arzonlaşdi.
Öz örnida AYOQŞlarda 1 litr AI-80 rusumli avtobenzinning narxi örtaça 6 800 - 7 500 sömdan 5 700 – 6 000 sömgaça, yoki örtaça 1 100 sömga arzonlaşdi.
“Aktsiz soliği “nol” stavkada qöllanişi va birja savdolarida “spred” joriy etilişi davrida (2022 yil 12 dekabr – 2023 yil 22 fevral) respublika isteʼmolçilariga 386 ming tonna (örtaça kunlik 5 300 tonna), yoki ötgan yillarning mos davriga nisbatan 188,6 ming tonnaga köp AI-80 rusumli avtobenzin yetkazib berildi.
2023 yil 1 martda yuqoridagi tartiblarning amal qiliş muddati (imtiyozli davr) yakunlangandan keyin aktsiz soliği hisoblanişi va birjada narxlarning erkin (ösiş darajasi çeklanmasdan) şakllanişi hisobiga AI-80 rusumli avtobenzin narxi oşişi kutilmoqda”, deyiladi “Özbekneftgaz” xabarida.
Maʼlum qilinişiça, 1 martdan boşlab birja savdolariga joylaştiriladigan 1 tonna mahalliy AI-80 rusumli avtobenzin boşlanğiç narxi 6 863 000 sömdan, import avtobenzini narxi 8 036 000 sömdan şakllanib, birja savdolari yakuni bilan narxlar örtaça 8 150 000 sömni (1 litr uçun 6 100 söm) taşkil etişi kutilmoqda.
Bunda, narxlar özgarişi hisobiga “Özbekneftgaz” AJ tasarrufidagi AYOQŞlarda 1 litr AI-80 rusumli avtobenzinning çakana narxi mahalliy mahsulot uçun 6 800 sömdan, import mahsuloti uçun 7 000 sömdan şakllanadi.









