Özbekiston Respublikasi Prezidenti Şavkat Mirziyoyev bugun, 24 sentyabr kuni samarqandlik saylovçilar bilan uçraşiş uçun uşbu viloyatga jönab ketgani haqida xabar bergandik.
Ayni daqiqalarda Özbekiston Liberal-demokratik partiyasidan körsatilgan nomzod Şavkat Mirziyoyevning samarqandlik saylovçilar bilan uçraşuvi bölib ötmoqda. Samarqand davlat universiteti rektori Rustam Xolmurodov uşbu uçraşuvda moderatorlik qilyapti.
Prezident saylovçilar bilan uçraşuvda partiyalardan körsatilgan boşqa nomzodlar ham öz sözini aytayotganini taʼkidlagan.
“Vaqt – hakam. 5 yil qanday tez ötib ketdi. Mening yuragimda hali köp-köp armonlarim bor. Xalqimizning ertangi kunini öylayman. Mana saylovda partiyalardan körsatilgan 5 ta nomzod bor, ular ham öz sözini aytyapti”, deydi Mirziyoyev.
Uşbu nomzod, şuningdek, saylovçilar bilan uçraşuvga tayyorgarlik körişda tungi soat 2-3 gaça maʼruza matnini yozganini taʼkidlagan.
“Samarqandning muammolarini men bilaman. Maʼruzamni tungi 2-3 gaça yozdim. Keça keçqurun Turdimovga ham qönğiroq qildim. Samarqandda nimani özgartiriş kerak, Oqdaryoda nima qiliş kerak, Iştixonda nima bölişi kerak? Bularni tahlil qilib keldim. Men maʼruzani qisqa qilib, köproq sizlar bilan muloqot qilmoqçiman”, deydi Şavkat Mirziyoyev.
Maʼlumot örnida, Şavkat Mirziyoyev şu vaqtga qadar Qoraqalpoğiston Respublikasi va Xorazm viloyatida saylovçilar bilan uçraşdi.









