Наманганда 24 ёшли йигит 10 ёшли болани калтаклади

Жорий йилнинг 30 август куни соат 13:30 ларда Наманган тумани Қирғизқўрғон маҳалласида яшовчи фуқаро ҳеч бир сабабсиз туманнинг Бўстон маҳалласида ота-онаси қарамоғида яшовчи 5-синф ўқувчисини уриб, унга тан жароҳати етказган. Суриштирув ишлари давомида болани калтаклаган 24 ёшли йигит 2006 йилдан буён Тўрқўрғон туманига қарашли руҳий касалликлар шифохонасида рўйхатда туриши маълум бўлди.

Наманган вилояти ИИБ Ахборот хизматига кўра, ҳозирда ушбу ҳолат бўйича Наманган туман ИИБ ҳузуридаги ТБ томонидан Ўз.Р ЖКнинг 105-моддаси 1-қисми билан жиноят иши қўзғатилган.