Ўзбекистонда нотариуслар вақтинча ишламайди

Ўзбекистонда нотариуслар вақтинча ишламайди

Адлия вазирлиги ахборот хизмати хабар беришича, Ўзбекистонда маълум вақт давомида нотариуслар ишламайди.

“Нотариус” автоматлаштирилган ахборот тизимида кузатилаётган муаммоларни ҳал қилиш, тизимнинг узлуксиз ишлашини таъминлаш мақсадида Адлия вазирлиги томонидан маълумотларни янги сервер қурилмаларига кўчириш режалаштирилмоқда.

Шу сабабли, жорий йилнинг 29 август куни соат 19:00 дан 1 сентябрь куни соат 19:00 га қадар “Нотариус” автоматлаштирилган ахборот тизимининг иш фаолияти тўхтатиб турилади ва ушбу кунларда нотариуслар фаолият кўрсатмайди.

×