Россияда коронавирусга қарши эмлаш ўқитувчилар ва тиббиёт ходимларидан бошланади. Бу ҳақда 1 август куни журналистларга Россия соғлиқни сақлаш вазири Михаил Мурашко маълум қилди.
«Вакцина рўйхатга олингани тасдиқланганидан сўнг, у қўлланила бошлайди. Биринчи навбатда, кузатув остида шифокорлар ва ўқитувчилар эмланади», – деди у.
Вазир жорий йил октябр ойида мамлакат аҳолисини оммавий равишда эмлаш режалаштирилганлигини таъкидлаган.
Шунингдек, Мурашко ҳозирги вақтда Гамалея маркази томонидан ишлаб чиқилган SARS-CoV-2 вакцинасининг клиник синовлари якунланганлигини билдирди.
Аввалроқ Россия вакцинаси синовда қатнашганларнинг 100 фоизида иммунитет ҳосил қилгани ҳақида хабар берилганди.
Тасодифий хабарлар
Ҳабиб карьерасини тиклаш учун UFC’га шарт қўйди
Эртага ҳаво ҳарорати 7 даражагача кўтарилади. Ёғингарчилик кутилмайди
Пичоқланган ўсмирнинг онаси президентга мурожаат қилди
Наманганда ароқдан заҳарланиб вафот этганлар сони 6 кишига етди
"Асалхоней" ўлдириб кетилди — шаҳар ИИББ