“Балиқ овлаш баҳона дарё бўйида тўпланманг” – имом-хатибнинг эркакларга мурожаати

“Балиқ овлаш баҳона дарё бўйида тўпланманг” – имом-хатибнинг эркакларга мурожаати

Наманган тумани Шўрқўрғон қишлоғидаги “Муҳаммад Сиддиқ” жоме масжиди имом-хатиби Анасхон Каримов эркаклар ва йигитларга муҳим мурожаат билан чиқди.

“Қадрли эркаклар ва йигитлар! Биламиз, карантин пайтида фақат уйда ўтириб, зериккан бўлишингиз мумкин. Коронавирус пандемияси ҳар биримиз учун синов эканлигини унутмайлик! Ўзингизнинг вақтичоғлигингизни деб хонадон аʼзоларингиз ва ҳамқишлоқларингиз соғлиги ёмонлашишига сабабчи бўлиб қолманг!

Илтимос, сизлардан балиқ овлаш баҳона ва бошқа сабаб ДАРЁ бўйида ҳамда маҳалла МЕҲМОНХОНАларида тўпланмаслигингизни сўраймиз!

Сабр-қаноат билан ибодатларимизда дуо қилсак, мазкур мураккаб вазиятдан тез кунларда талофатсиз чиқамиз, Иншааллоҳ. Худо хоҳласа, кўпи кетиб, ози қолди.

Фурсатдан фойдаланиб, оилангизга меҳр кўрсатинг, фарзандларингиз таʼлим-тарбияси билан шуғулланинг, ота-оналарингиз ризосига эришинг, томорқадан унумли фойдаланиш ҳаракатида бўлинг!”

Ҳурмат билан: Анасхон КАРИМОВ, Наманган туманининг Шўрқўрғон қишлоғидаги “Муҳаммад Сиддиқ” жоме масжиди имом-хатиби.

Manba: Effect.uz

×