Тошкентда камроқ кўчага чиқиш тавсия қилинди. Нега?

Ўзбекистон пойтахти Тошкент ҳудудида ҳаво "жуда ҳам ифлос". Бу ҳақда бутун дунёдаги ҳаво таркибини ўрганиб чиққан "Соф" нашри хабар бермоқда.

Тошкент ҳавосида бир кубометрга тўғри кееладиган қаттиқ жисмлар 212 микрограммни ташкил этмоқда. Тавсия этиладиган норма 100 микрограммдан ошмаслиги керак.

Нашрнинг ёзишича, Тошкентдаги ҳавонинг ифлосланганлик даражаси ўтган йилги Калифорния ёнғинлари пайтидаги ҳаво кабидир.

Бундай ҳаво организмга ёмон таъсир этиши сабабли, нашр Тошкент кўсаларида камроқ сайр қилишни тавсия этди.

Ўзгидрометнинг маълумотига кўра, Тошкент ҳавосининг бузилишига асосий сабаблар - шаҳар транспортидан, иссиқлик электростанцияси ва ТЭЦ, қозонхоналар, металлургия корхоналари ва заводлардан чиқаётган заҳарли газлардир.

Тошкент шаҳри ҳавосини ифлослантираётган моддалар - чанг, углерод оксиди, аммиак диоксиди ва бошқалардир.