Эрон иккита сунъий йўлдошини учиришга тайёрланмоқда

2020-01-20 16:45 1 568

Эрон иккита сунъий йўлдошини учиришга тайёрланмоқда. Бу ҳақда Алоқа ва коммуникация вазири Муҳаммад Жаҳромий хабар бермоқда.

Вазир твиттердаги ўз саҳифасида ёзар экан, сунъий йўлдошлар яқин кунларда учириш майдонига етказилишини маълум қилган.

Жаҳромий буни “тадқиқот соҳасидаги муҳим қадам” деб атаган. Аммо уларнинг фазога чиқаришга қачон старт берилиши ҳақида гапирмаган.

Эрон ОАВнинг маълум қилишича, 90 килограммлик “Зафар” деб номланган сунъий йўлдошлар юқори аниқликда тасвирга оладиган тўртта рангли камера билан жиҳозланган. Улар табиий манбалар, шунингдек, қишлоқ хўжалиги ва атроф-муҳитни ривожлантириш йўлида зарур маълумотларни етказиб туради.

Сарвар Анвар ўғли

2020-01-20 16:45 1 568