Бугун, 18 декабрь куни Ўзбекистон Электрон оммавий ахборот воситалари миллий ассоциациясининг «Зарафшон» зали «Media hall»ида бўлиб ўтган «Янги Ўзбекистон — янги сайловлар» мунозара клубининг навбатдаги тадбирида андижонлик Абдуллоҳ Тоҳировнинг «бир йўқолиб, кейин топилиши»га оид масала яна бир карра кўтарилди. Маълумки, шу йилнинг 27 октябрь куни Андижон вилояти ИИБга чақиртирилган 20 яшар Абдуллоҳ Тоҳировнинг дараги чиқмаётгани катта шов-шувга сабаб бўлганди.
Орадан ўн икки кун ўтиб, йигит топилганди. Бироқ шунча вақт қаерда ва нима сабабдан ушлаб турилгани ҳақида ўзи ҳеч нима демайди. Бу орада ИИВ матбуот хизмати «А.Тоҳиров иши билан бошқа идора шуғулланаётгани, бу ҳақда ОАВ учун ахборот берилади», деган мазмунда хабар беради. Бироқ йигитнинг иши билан «қайси идора» шуғуллангани ҳам, у ҳақдаги маълумот ҳам насияга колиб кетади. Мазкур сирли ҳолатга ҳалигача аниқлик киритилгани йўқ.
Шу мазмундаги саволга бугун Ички ишлар вазири Пўлат Бобожоновнинг жавоби қисқа бўлди: «А.Тоҳировни ички ишлар ходимлари ушлашмаган (?), бу ҳақда бизда ҳеч қандай маълумот йўқ».
Тадбирда иштирок этаётган Бош прокуратура раҳбарияти айни саволга сукутни раво кўрди.
Тасодифий хабарлар
Ниҳоят, давлат ташкилотларида уруғ-аймоғчиликни йўқотиш учун қонун ишлаб чиқилди
ОТМларда анъанавий таълим 2 ноябрдан бошланадими?
2 ойлик чақалоғини ўлдирган отага қандай жазо берилди? (ВИДЕО)
1 январдан 100 дан ортиқ лицензия ва рухсатномалар бекор қилинади
Наманганда Telegram’даги «Сирли сўзлашув»ларни тарқатмаслик эвазига 17 ёшли қиздан 200 АҚШ доллари сўраган йигит ушланди