2019 йилнинг 26 ноябрь куни ижтимоий тармоқларда «Айбингни топмагунча қўйиб юбормайман ёхуд замондан ортда қолган ЙПХ ходими» сарлавҳаси билан Тошкент вилояти Паркент тумани ИИБ ЙҲХБ ЙПХ инспектори ва ҳайдовчи ўртасидаги мулоқот жараёни тасвирланган видеолавҳа тарқалди ва кенг муҳокамаларга сабаб бўлди.
Тошкент вилояти ИИББ ахборот хизмати хабар беришича, мазкур ҳолат Тошкент вилояти ИИББ Йўл ҳаракати хавфсизлиги бошқармаси томонидан ўрганилиб чиқилган.
Маълум қилинишича, жараёнда Паркент тумани ИИБ ЙҲХБ ЙПХ инспектори сержант Ж.Абдураҳмонов томонидан бир қатор қўпол камчиликларга йўл қўйилган. Хусусан, Ўзбекистон Республикаси Вазирлар Маҳкамасининг 2018 йил 1 декабрдаги 975-сонли қарор талабларини бузилган. Ҳозирда унга нисбатан Тошкент вилояти ИИББ Йўл ҳаракати хавфсизлиги бошқармаси томонидан хизмат текшируви ўтказилмоқда. Якуний хулосага кўра сержантга қонун доирасида тегишли чоралар кўрилади, дейилади ИИББ ахборот хизмати хабарида.
Тасодифий хабарлар
Луганскнинг деярли барча ҳудуди эгаллаб олинди – ЛХР раҳбари
РАСМАН: UzAutoMotors Lacetti ва Cоbalt'га шартнома беришни тўхтатди
НАМАНГАНДА МИБ ХОДИМИГА ЖАХИЛ ҚИЛИБ ЎЗИНИ ЁҚИБ ЮБОРГАН АЁЛ ВОҚЕАСИ ТЎЛИҚ ЎРГАНИЛДИ
Ўзбекистон жаҳон бозорида олтин нархининг ошишидан фойда кўрди
Жамоат жойларида ибодат либосларида юришга бўлган чеклов бекор қилинди