"Бу вахшийлик": Сноуден Facebook ва Googleни танқид қилди

Эдвард Сноуден яна бир бор глобал ИТ гигантларини танқид қилиб, уларнинг бизнес моделларини шахсий ҳаётга қонуний тажовуз билан таққослади. Бундан ташқари, у ЕИ маълумотларини ҳимоя қилишнинг умумий регламентини (GDPR) танқид қилиб, мавжуд муаммоларни ҳал қила олмаган “яхши уриниш“ эканлигини айтди.

АҚШ Миллий хавфсизлик агентлигининг (МХА) собиқ ходими Эдвард Сноуден видео конференция орқали Лиссабонда Португалиядаги Web Саммит технология конферентсиясида иштирок этди. У ўз нутқида глобал ИТ корпоратсияларига, хусусан Amazon, Google ва Facebookʼга эътибор қаратди, уларнинг бизнес моделларини фойдаланувчиларнинг шахсий ҳаётига “бузиш“ билан тенглаштирди.

МХА томонидан кузатув ҳақидаги махфий маълумотларни ошкор қилганидан бери, Интернет хавфсизлиги нуқтаи назаридан дунё ўзгарганми ёки йўқми деган саволга, Сноуден ижобий жавоб берди. Унинг сўзларига кўра, “талончилик“ замонавий шароитда кенг тарқалган - давлат ва хусусий компаниялар том маънода одамлар ва уларнинг шахсий маълумотларини талашмоқда. Шу билан бирга, фойдаланувчиларнинг хабардорлик даражаси ўсмоқда, шунинг учун улар “ҳақли равишда ғазабланадилар“.