15 ёшли қозоғистонлик футболчи Карим Мендиканов Испаниянинг “Барселона” клуби билан шартнома имзолади. Бу ҳақда у ўзининг Instagram саҳифаси орқали маълум қилди.
Карим Мендиканов фаолиятини клубнинг машҳур “Ла Масия” академиясида давом эттиради.
“Ҳаётимдаги орзум бўлган клуб билан шартнома имзолаганимдан жуда фахрланаман”, деб ёзди Мендиканов.
Карим Мендиканов футболчилик фаолиятини Қозоғистоннинг “Астана Жуниор” клубида бошлаган. У 2021 йилда Arystan Cup турнирининг энг яхши ҳужумчиси деб топилган.
2022 йилда у Испанияга кўчиб ўтиб, маҳаллий “Серданьола” ва “Сант-Кугат” клубларининг U-15 жамоалари сафида тўп сурди.
Жорий йилнинг апрель ойида Мендиканов янги мавсумдан бошлаб “Барселона”га ўтиши ҳақида хабарлар тарқалган эди. Энди эса у расман каталонияликлар билан шартнома имзолади ва “Барселона” тарихида шартнома тузган илк қозоғистонлик футболчига айланди.
Тасодифий хабарлар
Тошкентда ўқувчи мактабга автомат ва 1188 та ўқ олиб келди. Пойтахтда жиноятчилик ортгани айтилмоқда
Қатардаги U-17 Жаҳон чемпионати якунига етди
Дунёнинг энг йирик авиаташувчиси Россияга қўлланилган санкциялар туфайли 113 та самолётини йўқотди
22 та депутат Бобожоновга “Босар-тусарини билмаган депутат” номли видеолавҳа юзасидан мурожаат йўллади
Ўзбекистонда кўкйўтал авж олгани ростми? Изоҳ берилди